ဒီနှစ် ဒီဇင်ဘာ အစားအသောက်တွေ တော်တော်စားဖြစ်တယ်။ ဝိတ်လား တက်လိုက်တာမှ အရမ်းပဲ။ ဒါပေမယ့် စားကောင်းပါတယ်။ မတတ်နိုင်တော့ဘူးလေ။ ဗိုက်ခေါက်တွေ တော်တော် ထူနေတော့ တိုးပြီးရင်းတိုး တက်ပြီးရင်းတက်။ ကိုယ်က ပန်းသီးပုံ Apple Shade ဗိုက်။ သက်ထားက Pear Shade ဗိုက်လေး နဲ့ ။

ခုည လည်း ခရစ်စမတ်အကြို နေ ့ ညစာစားပြီး ခဏနေတော့ ဘယ်အခန်းကလည်း မသိဘူး ဟင်းတွေချက်လိုက်တာ မွှေးကြိုင်နေတာပဲ။ သည်းခံသေးတယ် နောက်ဆုံး ဘယ်လိုမှ သည်းမခံနိုင်တာနဲ့ပဲ Fair Price ပြေးပြီး ဈေးဝယ်ရတယ်။ အိမ်ရောက်တာနဲ့ ဝယ်လာတာတွေ ရေဆေး ဆားလူးပြီး ဆီအိုးတည် ကြော်လိုက်တာပဲ။ ညလည်း ဖြစ်တော့ အနံ့တွေ သိပ်ပြင်းမှာစိုးလို ့ အဖုံးလေး အုပ်ပြီးကြော်လိုက်တာပေါ့။


ဟော ပထမဆုံးကတော့ ရေသတ်တဝါပါပဲ၊ ခြေထောက်တွေ အများကြီးနဲ့လေ။ ကြော်လို ့ အနေတော် ရရင် သိပ်မွှေးတယ်။

နောက်တော့ နောက်တော့မှာ။

အားလုံးကျက်ပါပြီ ပန်းကန်တချပ်တည်းမှာ အားလုံးစုပြီး ထည့်ထားလိုက်တယ်။ မွှေးနေတာပါပဲဗျာ။ စားလို ့ သိပ်ကောင်းတဲ့ အဆာပြေ ခရစ်စမတ်အကြို။ အမှတ်တရ ညလယ်စာလေးပေါ့။ ကော်ဖီဆိမ့်ဆိမ့်လေးသောက်ပြီး ခုပဲစားပြီးတာ။


ညီမူရာ...

Share



သင်္ဘောဆိုတာ စာရေးသူအတွက် နည်းနည်းစိမ်းပါတယ်။ သက်ထားအတွက်လည်း သိပ်ရင်းနှီးတဲ့ အရာမဟုတ်ပါဘူး။ သင်္ဘောဆိပ် ဆိုတာ ရန်ကုန်မှာနေပေမယ့်လည်း တသက်လုံး ရောက်ဖူးတဲ့အကြိမ်ဆိုတာ လက်ချိုးရေလို ့ရပါတယ်။ သင်္ဘောစီးဖြစ်တဲ့ အကြိမ်ဆိုတာလည်း လေး၊ ငါးကြိမ်လောက်ပဲ ရှိမယ်ထင်တယ်။ ရေပတ်လည် ဝိုင်းနေတဲ့ စင်္ကာပူရောက်ပြန်တော့လည်း သင်္ဘောဆိပ် ဆိုတာ မရောက်သလောက်ပါပဲ။

ရေထဲက ယာဉ်တွေနဲ့ မရင်းနှီးပုံများ သင်္ဘောအကြီးကြီး တွေဘယ်လို ဆိပ်ကမ်းကပ်သလဲ (ပါကင် ဘယ်လိုထိုးသလဲ) ဆိုတာ တခါမှ မမြင်ဘူးသလို သိလည်းမသိပါဘူး။ ဒါပေမယ့် ကံကောင်းချင်တော့ ဒီလထဲမှာ အပျော်စီး သင်္ဘော ခပ်ကြီးကြီး တစီး ဘယ်လို ဆိပ်ကမ်း ကပ်သလဲဆိုတာ အစ အဆုံး မြင်လိုက်ရပါတယ်။ သက်ထားကိုလည်း မြင်စေချင်လွန်းလို ့ ဓာတ်ပုံတွေ ရိုက်ယူထားလိုက် ပါတယ်။ ဓာတ်ပုံတွေ က ဖုံးနဲ့ ရိုက်တော့ သိပ်တော့ မကောင်းပါဘူး။ သက်ထားကို ဓာတ်ပုံတွေ ပြန်ပြရင်းနဲ့ ညီမဖြစ်သူ နဲ့ ညီ ဖြစ်သူကို လည်း မြင်သိ စေချင်လာပြန်ပါတယ်။ သူတို ့လည်း သိမယ်မထင်ဘူးကိုး။ ဒါနဲ့ပဲ ဘလော့ပေါ်တင်လိုက်ရင်း ညီမ ဖြစ်သူ နဲ့ ညီဖြစ်သူ တင်မကဘူး အခြား ဘလော့လာဖတ်တဲ့ သူတွေပါမြင်ရတာပေါ့ ဆိုပြီး ဒီပို ့စ်ကို ရေးတင်လိုက်ပါတယ်။










သင်္ဘောကြီးတွေ လာရင် အဲ့သလိုပဲ မော်တော် သေးသေးလေး တစီးပါတယ် တွန်း(ဆွဲ)မော်တော် ထင်တာပဲ။ ဒါမှမဟုတ် ရေကြောင်းပြလားတော့ မသိဘူး။ သင်္ဘောတွေ တပတ်လည် (360') ကွေ ့တဲ့ လှည့်တဲ့ အခါ နဲနဲဟောင်းတဲ့ သင်္ဘောတွေက ရှေ ့နဲ့နောက် (ကွေ ့ဖို ့) ပန်ကာတွေ မပါရင် တွန်း(ဆွဲ) မော်တော် တွေက စစချင်းတွန်းပေး ဆွဲပေးတယ်၊ အခုသင်္ဘောကတော့ ခေတ်မီ သင်္ဘောဖြစ်လို ့ ကွေ ့တဲ့ ပန်ကာလေးတွေ ပါတယ်။ မမြင်ဖူးတော့ ရင်သပ် ရှုမောကိုဖြစ်လို ့။ ဒီအသက်အရွယ် ကျမှ မြင်ဖူးတာကိုး။











Star Cruise အပျော်စီးသင်္ဘော ဘယ်လောက်ကြီးလည်း ဆိုတာ ဘေးကနေဖြတ်သွားတဲ့ မလေးတို ့ အင်ဒိုတို ့ ပြေးနေတဲ့ အမြန် မော်တော်တွေနဲ့ ယှဉ်ကြည့်လိုက်ပါဦး။ စကားမစပ် ပုံအပေါ်ထိပ်က ကြိုးတွေက စန်တိုဆာ နဲ့ Mount Faber နဲ့ ကူးတဲ့ Cable Car တွေချိတ်တဲ့ ကြိုးတွေပေါ့ ။ ကေဘယ်ကားတွေကို စင်းဒေါ်လာ ၃၆ သန်းအကုန်အကျခံ အကြီးစားပြင်ဆင်ဖို ့ ၂၀၀၉ စက်တင်ဘာလ ပိုင်းလောက်ထဲက ဖြုတ်ထားတာ ၂၀၁၀ ဇွန်လလောက်ပြန်ဖွင့်မယ် ပြောတယ် အဲ့ဒီကျရင် ကေဘယ်ကား ၆၇ တွဲ ရှိလာမယ်တဲ့။






ကားတောင် နောက်ပြန် ပါကင်ထိုးရတာ မလွယ်တာ သင်္ဘောဆို တော်တော်ခက်မယ်ထင်တယ်။ ခပ်သေးသေးမှ မဟုတ်တာ။ ဒါလည်း အနုပညာတမျိုးပါပဲ သင်္ဘောနောက်ပြန် ဆိုက်ခြင်း အနုပညာလို ့ပဲ ဆိုရတော့မှာပေါ့။ စမြင်ရတဲ့ ပထမပုံကနေ နောက်ဆုံးပုံအထိ အချိန်ကွာခြားချက်က မိနစ်၂၀ လောက်ကြာတယ်။ ကဲ မမြင်ဘူးသူများအတွက် အကျွမ်းကျင်ဆုံးဖြစ်တဲ့ Paint ထဲမှာ ပုံအရွယ်ချိန်ပြီး မျှဝေလိုက်ပါတယ်။
ညီမူရာ...

Share

တနင်္လာနေ့ က နရန်ဂျန် ကို တခေါက် ထပ်ရောက်ဖြစ်တယ်။ အဲ့ဒီဖက် မရောက်ဖြစ်တာ ကြာတာနဲ့ သွားလိုက်တာပါ။ ထုံးစံအတိုင်းပဲ ဈေးတွေ မှတ်လာဖြစ်တာမို ့ Google Documents က Spreadsheet ဖိုင်မှာ ဈေးအသစ်တွေ ရိုက်ဖြစ်တယ်။ အဲ့ဒီတော့မှ တိုက်တိုက်ဆိုင်ဆိုင် ၂၀၀၈ ဒီဇင်ဘာ ၁၄ ရက်နေ ့မှာ သွားဖြစ်တာ ကို တွေ ့လိုက်ရတယ်။ တိုက်ဆိုင်လိုက်တာများကွာ ဒီဇင်ဘာ ၁၄ ရက် လို ့ ပြောရမလို ဖြစ်နေပြီ။ ပထမဆုံး ဈေးတွေ မှတ်ဖြစ်တာလည်း ဒီဇင်ဘာ ၁၄ ရက်။ အခု မနေ ့က သွားဖြစ်တော့လည်း ဒီဇင်ဘာ ၁၄ ရက်ကိုး။

ကိုယ်တိုင်လည်း ဈေးနှုန်းတွေကို အပင်ပန်းခံ ပြုစု မှတ်သားထားရင်း အွန်လိုင်းပေါ်မှာလည်း မျှဝေလိုက်ပါတယ်။ ဖုံးဈေးနှုန်း အပြင် ကင်မရာဈေးနှုန်းတွေကို ပါ ကြည့်လို ့ရပါတယ်။ ဈေးနှုန်း ကြည့်လို သူများ ဒီမှာ နှိပ်ပါ။

ညီမူရာ

ဈေးသက်သာတဲ့ ဖုန်းဆိုင် နရန်ဂျန်
...

Share



မိုဘိုင်းဖုန်း တွေ သုံးတာ ၁ နှစ်ခွဲ ၂ နှစ်လောက်ကြာတဲ့အခါ နှေးလာ လေးလာ တတ်ပါတယ်။ ဆက်သွယ်စရာ နံပါတ်တွေ သိပ်များတဲ့အခါမျိုး SMS တွေ သိပ်များတဲ့အခါမျိုး၊ ကင်မရာ ပါတဲ့ဖုန်းများဆို ဓာတ်ပုံတွေ သိပ်များတဲ့အခါမျိုးမှာ မိုဘိုင်းဖုန်းထဲက အိုအက်စ် Operating System လည်း အိုအက်စ်တို ့ သဘာဝအတိုင်း နှေးကွေး လာတတ်ပါတယ်။ ဒါမှမဟုတ်ရင် ဖုန်းဟန်းသွားတာ စကရင် ပျောက်တာ၊ ဖုန်းခေါ်မရ ပြုမရ စသဖြင့် ချူချာပြီး ဝယ်ကာစလို မဟုတ်တော့တာ တော်တော်ကြီး သတိထား လာမိမှာပါ။

အဲ့ဒီအခါကျရင် အလွယ်ဆုံးကတော့ Factory Default လို ့ခေါ်ကြတဲ့ စက်ရုံက ထုတ်ကာစ စံတခုအဖြစ် သတ်မှတ်ထားတဲ့ အခြေအနေကို ပြန်ထားပေးလိုက်ရုံပါပဲ။ နိုကီယာမှာတော့ ဖက်ထရီ ဒီဖော့် လို ့ခေါ်ပြီး ဆိုနီဖုန်းအချို ့မှာတော့ Master Reset လို ့ခေါ်ကြပါတယ်။

ဖက်ထရီ ဒီဖော့မထားခင် အထူးလုပ်ဆောင်ရမှာကတော့ ဖုန်းထဲမှာ မှတ်ထားတဲ့ ဖုန်းနံပါတ် Contacts တွေကို ကူးယူထားဖို ့ပါပဲ။ နောက်ပိုင်းဖုန်းတွေမှာ လုပ်ဆောင်ရပိုလွယ်အောင် ကွန်တတ် ဖုန်းနံပါတ်တွေကို ဆင်းကဒ်ထဲကနေ မဖတ်ဘဲ သူရို ့ဖုန်းထဲကို အတင်းကူးခိုင်းတတ်ပါတယ်။ အဲ့ဒီ ဖုန်းတွေမှာ မူလ ဆင်းကဒ် (SIM Directory) ကို Clear လုပ် ပြီးမှ ဖုန်းထဲက ကွန်တတ်တွေကို အားလုံး ဆင်းကဒ်ထဲ ကူးယူထားရုံနဲ့ အဆင်ပြေပြီး အလုပ်ရှုပ် သက်သာပါတယ်။ (ဆင်းကဒ် ပေါ်မူတည်ပြီး ဖုန်းနံပါတ် ၅၀၀ ၊ ၁၀၀၀ စသဖြင့်သာ သိမ်းလို ့ရတတ်တာပါ)။

ကိုယ့်ဖုန်းထဲမှာ ဖုန်းနံပါတ်တွေ မှတ်ထားတာ သိပ်လည်းများနေမယ်၊ နောက်ပြီး ပိုလို ့ စိတ်ချရအောင် သိမ်းချင်တယ်ဆိုရင်တော့ သက်ဆိုင်ရာ ဖုန်းဆော့ဝဲလ် နဲ့ ကွန်ပျူတာထဲကို Sync လုပ်ပြီး ကူးယူပွားထားနိုင်ပါတယ်။

ringtone တို ့ ဘာတို ့ကို မန်မိုရီကတ်ထဲ မထားဘဲ ဖုန်းထဲထားရင် သူတို ့ကိုလည်း သိမ်းရမှာပါ၊ စာရေးသူဆို အဘိဓာန် တွေ ထည့်ထားတော့ သူတို ကိုလည်း သိမ်းထားရသေးတယ်။

လိုအပ်သည်များကို သိမ်းထားပြီးပြီ ဆိုရင်တော့ ရဲရဲကြီးသာ Factory Default/ Master Reset သာလုပ်လိုက်ပါ။ ဖုန်းက သိသိသာသာကြီး မြန်လာတာကို တွေ ့ရမှာဖြစ်ပါတယ်။

အဲ့သလို လုပ်လို ့မှ သူကလေးက နှေးကွေး လေးလံ ဆဲဆိုရင်တော့ နောက်တနည်းက ဖန်းဝဲလ် အပ်ဒိပ် (Firmware Update) လုပ်ဖို ့ပါပဲ။ စာရေးသူ အကြိုက်ဆုံးပေါ့ဗျာ။ ဖန်းဝဲလ် အပ်ဒိပ်လုပ်တာက ကွန်ပျူတာကို ဖော်မက်ရိုက်ပြီး အိုအက်စ် အဆင့်မြင့် လိုက်သလိုပါပဲ။ ဝင်းဒိုးအိပ်စ်ပီ ကနေ ဝင်းဒိုးဆဲဗင်း တင်သလိုလေးပေါ့။ ဒါပေမယ့် အခန့်မသင့်ရင် ဒါမှမဟုတ် ဖုန်းထုတ်လုပ်သူက အထောက်အပံ့ မပေးရင်။ ဖုန်းနဲ့ ကွန်ပျူတာ ချိတ်ဆက်လို ့မရရင်တော့ ဘယ်လိုမှ လုပ်လို ့မရပါဘူး။

သုံးဖူးသမျှထဲမှ ဖန်းဝဲလ် အပ်ဒိတ်ကို လုပ်မယ်ဆိုတာကတော့ အိုင်ဖုန်းပါပဲ။ အိုအက်စ် အသစ် မထုတ်လိုက်နဲ့ အိုင်ကျွန်းနဲ့ ဖုန်း ချိတ်လိုက်တာနဲ့ မေးတော့တာပါပဲ။ တခါတလေ ကိုယ် တောင်မှ မသိဘူး သူက ဒေါင်းလုပ် လုပ်မလား ဖြစ်နေပြီ၊ ဒါနဲ့ပဲ ဟို တပါတ် ကတင် iPhone OS 3.1.2 ကို အပ်ဒိပ်လုပ် ဖြစ်သွားသေးတယ်။ သူ ့ အပ်ဒိပ် ကတော့ သက်တောင့်သက်သာပါပဲ။

ရင်သိမ့်တုန် နဲ့ စိတ်ဒုက်ခတော်တော် ရောက်သွားတာကတော့ နိုကီယာ ဆော့ဝဲလ် အပ်ဒိတ်တာ Nokia Software Updater (NSU) ပါပဲ။ ၆၂၈၈ ဆို သုံးမရဖြစ်သွားသေးတယ် နောက်ပိုင်း ကွန်ပျူတာကို ဗိုင်းရပ်စ် အဝင်ခံပြီး ဖုန်းကို လှမ်းဟက် လိုက်တော့မှ ပြန်ရသွားတယ်။

နောက်ပိုင်း နိုကီယာ ဆော့ဝဲလ် အပ်ဒိတ်တာ လည်းတော်တော်ငြိမ်သွားတယ် E-51 ကို သုံးခါရှိပြီ ဖန်းဝဲလ် အပ်ဒိတ်လုပ်ထားတာ အိုကေလို ့။ တခါလုပ်ပြီးတိုင်း တခါပိုမြန်သွားတယ်။

ဒီတလော သက်ထားရဲ့ ဆိုနီ ၈ လ လောက်ပဲရှိသေးတယ် တော်တော် လေးပြီး ခဏခဏ ကြောင်နေတာနဲ့ပဲ ပထမ မာစတာ ရီဆက်လုပ်တယ် ဒါလည်း အဆင်မပြေတာနဲ့ပဲ ဖန်းဝဲလ် အဆင့်မြင့်မယ်ဆိုပြီး လိုက်ရှာလိုက်တာ အဆင်ပြေသွားပါတယ်။ ကွန်ပျူတာနဲ့ ဖုန်းချိတ်ဆက်မယ့် ကြိုးတော့ လိုတာပေါ့ဗျာ။

ဆိုနီ ရဲ ့ အင်တာနက် စာမျက်နှာ မှာ ကိုယ့်ဖုန်းမော်ဒယ် နံပါတ်ကို ရွေးပြီး အပ်ဒိတ်ဆားဗစ် ဆော့ဝဲလ် (SEUS - Sony Ericsson Update Service) ကို ဒေါင်းလုပ် လုပ်ရမှာ ဖြစ်ပါတယ်။ ပြီးရင် ကွန်ပျူတာထဲမှာ Install လုပ်လိုက်ပါ။ ပြီးရင် ဖုန်းနဲ့ ကွန်ပျူတာ ချိတ်ပြီး Update Service ဆိုတဲ့ ဆော့ဝဲလ်ကို ဖွင့်လိုက်ပါ။


ဖွင့်လိုက်တယ် ဆိုရင်ပဲ ဆော့ဝဲလ်က ကွန်ပျူတာမှ တပ်ထားတဲ့ ဖုန်းကို ရှာ အင်တာနက်ပေါ်တက်ပြီး ဖန်းဝဲလ် အသစ်ရှိမရှိ ရှာမှာ ဖြစ်ပါတယ်။ များသော အားဖြင့် အသစ် ရှိနေတတ်တာ များပါတယ်။

တွေ ့ပြီဆိုတာနဲ့ သူက ဒေါင်းလုပ်လုပ်ပါတယ်။ ကြားထဲမှာ ထူးထူးခြားခြား လုပ်ခိုင်းတာဆိုလို ့ ဖုန်းကို ကွန်ပျူတာကနေ ဖြုတ်၊ ဘက်ထရီပါဖြုတ်၊ ဘက်ထရီ ပြန်တပ် ပြီးရင် "c" key ခလုပ်ကို အကြာကြီး နှိပ် ပြီးမှ ကြိုးကို ဖုန်းမှာ တပ် နောက်တော့ ကွန်ပျူတာနဲ့ ပြန်ချိတ် အဲသလို တွေ လုပ်ရတာပါပဲ၊ နိုကီယာ တို ့ အိုင်ဖုန်းတို ့ နောက်ဖုန်းတမျိုးတို ့ဆို အဲသလိုမလုပ်ရတော့ တော်တော်ကို ထူးဆန်းပါပေ့လို ့ အောက်မေ့မိပါတယ်။ ပထမဆုံးအအကြိမ် ဆိုနီကို အပ်ဒိတ်လုပ်တော့ လည်း အဲသလိုတွေ မှတ်သားရတာပေါ့။

ပြီးတာနဲ့ ဖန်းဝဲလ် ကို အပ်ဒိတ်ဆော့ဝဲလ် မေးသမျှ ဖြေပြီး လုပ်သွားရုံပါပဲ သူလည်းပဲ အဆင်ပြေပါတယ်။ ဒီလိုနဲ့ပဲ ခြောက်ခု မြောက်သော အီလက်ထရောနစ် ကိရိယာ ဂတ်ဂျက်စ် ရဲ ့ ဖန်းဝဲလ် ကို တားမရ ဆီးမနိုင်တဲ့ ဗီဇနဲ့ ဝါသနာအရ အောင်မြင်ချောမွေ ့စွာနဲ့ အပ်ဒိတ်လုပ်နိုင်လိုက်ပါပြီ၊ အဲ့ဒီ ခြောက်ခုထဲမှာ ဘလော့မှာ တင်ဖြစ်တာကတော့ ဒီတခုနဲ့ဆို လေးခုပါ၊ ကျန်တဲ့ ၂ ခု (တတိယမြောက် နဲ့ ငါးခုမြောက်) ကို နောက်အချိန်ရရင် ရေးပြီး မှတ်တမ်းမှတ်ရာ ထားပါဦးမယ်။ ၂ ခုလုံး ဖုန်းပါပဲ။ :D
သက်ထား လည်း သူ ့ ဆိုနီဖုန်း အရမ်းမြန်လာလို ့ ကျေနပ်နေလေရဲ့။ လုပ်ရကျိုးနပ်တယ်ပေါ့ဗျာ။

အောက်မှာ screen shot တချို ့ ဖမ်းပြီး အမှတ်တရ တင်ထားလိုက်ပါတယ်။







ဆိုနီ အပ်ဒိတ် ဆားဗစ် ဆော့ဝဲလ် က စိမ်းစိမ်းလေးနဲ့ ကြည့်ကောင်းတယ်။

ဖုန်းတွေ နှေးကွေးလေးလံမှု တို ့ကို လက်ပူတိုက် ဖြေရှင်းနိုင်ပါစေလို ့

ညီမူရာ ... ...

Share

ကျပ် ငါးထောင်တန် ငွေစက္ကူ ထုတ်ဝေ မည့် အကြောင်း မြန်မာ့ရုပ်မြင်သံကြား နှင့် ရေဒီယိုများမှာ ဒီကနေ ့ ၂၄ ရက်နေ ့ စက်တင်ဘာလ ည ၈ နာရီ သတင်းများမှာ ကြေညာသွားပါတယ်။ အခြားငွေစက္က္ကူများကို ပုံမှန်အတိုင်း ဆက်လက်သုံးစွဲနိုင်မည် ဖြစ်ကြောင်း ကြေညာသွားပါတယ်။
ဆင်ဖြူတော် ရုပ်ပုံ ပါရှိမှာဖြစ်ပြီး မနက်ဖြန်ထုတ် သတင်းစာများမှာ အသေးစိတ် ဖတ်ရှုနိုင်မယ် လို ့လည်း ကြေညာသွားပါတယ်။

ညီမူရာ... ...

Share


မစားတာကြာပြီ ဖြစ်လို့ ဒီနေ့ည မှာ ယိုးဒယားတွေ ကျက်စားရာ ဂိုးဒင်းမိုင်း ကိုသွားပြီး ယိုးဒယားစာတွေ သွားစားဖြစ်တယ်။ မလေးသွားဖို့ ကားစောင့်ဆိုင်းသူတွေ ကားတွေနဲ့ ဂိုးဒင်းမိုင်းဟာ စည်ကားလို့နေပါတယ်။ ဒီနေ့စားဖြစ်တဲ့ ညစာကို အမှတ်တရဓာတ်ပုံ ရိုက်ပြီး ဘလော့လာ မိတ်သဟာများကို ဧည့်ခံလိုက်ပါတယ်။










To whom, who want to see brand of pasta sauce, see below



ညီမူရာ..

Share


မစားရတာ ကြာနေပြီဖြစ်တဲ့ အီတာလျှံ ခေါက်ဆွဲ လုပ်စားဖြစ်တယ်။ အီတာလျှံ ခေါက်ဆွဲကို ကိုယ့်စိတ်ကြိုက်ချက်တာ တယ်လွယ်သကိုး။ ဆော့စ် ပုလင်းလေးဝယ် ခေါက်ဆွဲ (အလိမ်၊ အဖြောင့်) ကြိုက်တဲ့ အလုံး ဝယ်ပြီး ပြုတ်လိုက်ရုံပါပဲ။

စာရေးသူကတော့ ကြက်သွန်ဖြူ အနီ၊ ငရုတ်ကောင်း များတဲ့ အရသာ နှစ်သက်တာနဲ့ပဲ၊ ကြက်သွန်ဖြူ ကြက်သွန်နီ နဲ့ ငရုတ်ကောင်း နိုင်းချင်း တည့်ဆီသတ်၊ ဒီတခါတော့ အမဲသား နဲ့ စားရတာ ရိုးတာနဲ့ပဲ ဝက်သားကြိတ်သားနဲ့ ချက်လိုက်တယ်။ကြိတ်သား နဲ့ ရောမွှေွ။ အရသာ ပိုလတ်အောင် ခရမ်းချဉ်သီး နုတ်နုတ်စင်းပြီး ထည့်။
ဆော့စ် ထည့် ပြီး ရေ နဲနဲလေး နဲ့ ပွက်အောင်တည် ပွတ်လာရင် ရပြီပေါ့။



အီတာလျှံခေါက်ဆွဲ ဆိုတာ ပါစတာတွေ ချည်းပါပဲ။ အဲ့ဒီထဲမှာ မှ အချောင်းရှည်ရှည်လေးတွေကို စပါဂတ်တီ လို့ခေါ်ကြတာကိုး။ ဆိုတော့ အခုတခေါက်ကတော့ ပါစတာ အလိမ်ရယ် စပါဂတ်တီရယ် နှစ်မျိုးပြုတ်ဖြစ်တယ်။ ပါစတာ ခေါက်ဆွဲ အလိမ်ဖြစ်ဖြစ်၊ စပါဂတ်တီ ခေါက်ဆွဲ အချောင်းဖြစ်ဖြစ်၊ ပြုတ်တဲ့နေရာမှာ ဆား ထည့်မှ အရသာက ပိုကောင်းတာကိုး။

ပါစတာ ခေါက်ဆွဲတွေ က စာရေးသူ အကြိုက်အပျော့အမာ အနေအထားရဖို ့ မိနစ် ၂၀ လောက် ပြုတ်ရတယ်။ သူတို ့ကတော့ အထုပ်မှာရေးထားပါတယ် ၇ မိနစ်တို ့ဘာတို့၊ ဒါပေမယ့် သူတို ့ ရေးထားတဲ့ အချိန် အတိုင်းအတာနဲ့ ဆို မာလွန်းသေးတယ်။ မိနစ် ၂၀ လောက်မှ အကိုက်ပဲ၊ ရေစစ်ထား ရေကုန်တာနဲ့ ခေါက်ဆွဲတွေ ကို ပန်းကန်ထဲတည့် ဆော့စ်တွေ ဆမ််း ခက်ရင်းနဲ့ ဆွဲပေတော့။ ဆိမ့်ချင်ရင် ချိစ်ပါးပါးမွှားမွှားလေးတွေ ရောင်းတာ ရှိတယ် ဖြူးရုံပဲ။ ကိုယ်တွေ ကတော့ ပုံမှန်ဆော့စ် ထဲက ပါတဲ့ အရသာနဲ့တင် တော်တော် တက်နေပြီ၊ ဒါနဲ့ပဲ ချိစ်တခါမှ မဝယ်ဖြစ်ဖူး။

ဘာပဲဖြစ်ဖြစ် ဒီတပါတ် အီတာလျှံခေါက်ဆွဲက မစားတာကြာလို ့ ဖြစ်မယ် သိပ်ကောင်းတာပဲ။ ဒီလိုနဲ့ပဲ လေးလ တခါလောက် ဘောင်းဘီတွေ နံပါတ်ကြီးတာ လိုက်လိုက်ဝယ်နေရ ပါရောလား။

ညီမူရာ..

Share



အလုပ်တွေ ရှုပ်ပြီး သိပ်မအားတာနဲ့ပဲ ဘလော့ဖက် မလှည့်နိုင်ပါဘူး။ ဒါပေမယ့် သက်ထားကြောင့် အစားကောင်းတွေ တော့ စားဖြစ်ပါတယ်။

အခုပဲ ကြည့်လေ ငါးခေါင်းဟင်း ချက်ဖြစ်တယ်၊ စားလို ့တော်တော်ကောင်းတယ်။







ဒီထက်ကောင်းတာ ရှိသေးတယ်။ နာမည်ကြီး သိပ်နူးညံ့တဲ့ ပျဉ်းမနား မျှစ်ချဉ် ပေါ့။


နေပြည်တော် ခဏသွားတဲ့ အဖေက ရန်ကုန်ကနေ ပို ့လိုက်တာ ဒီနေ ့လည်ပဲ ရောက်တယ်။ သိပ်လတ်ဆတ်ပြီး အရသာရှိမယ့် ပုံပေါ်တာနဲ့ ချက်ခြင်းပဲ ဝက်သား သုံးထပ်သား ဝယ်ပြီး ချက်လိုက်တာ။ အရမ်းကို ကောင်းပြီး အနံအရသာ နဲ့ တကယ်ကို ပြည့်စုံပါပေတယ်ဗျာ။

ဓာတ်ပုံတွေ ကြည့်ရအောင် တင်ပေးလိုက်ပါတယ်။

ညီမူရာ
..

Share




ညီဖြစ်တဲ့ သူဆီကနေ စစ်စကို စာမေးပွဲတွေကို ရန်ကုန်မှာ ဖြေလို ့ရနေပြီ ဆိုတဲ့အကြောင်း ကြားရတယ်။ အရင်က စစ်စကို စာမေးပွဲဆိုတာ အနည်းဆုံးတော ့ ဗန်ကောက် လောက်မှာ သွားဖြေကြရတော့ အရင်းအနှီးက အတော်ကို ကြီးပါတယ်။ နေရေးထိုင်ရေး ကအစ စကားလည်း မပေါက်တော့ တော်တော်ကို ခက်တယ် ပြောရမှာပေါ့။

သူငယ်ချင်း တွေနဲ့ အသိတွေ တုန်းကဆို စင်ကာပူထက် လေယာဉ်လက်မှတ် နေထိုင်ရေး သက်သာတဲ့ ဗန်ကောက်ကို ရွေးကြတယ်။ ဒါပေမယ် ့လည်း ဗန်ကောက် ရဲ့ အားနည်းချက်က တခါမှ မရောက်ဖူးတဲ့သူ လူခံမရှိတဲ့သူများအဖို့ သိပ်မလွယ်ပါဘူး။ လူခံရှိတဲ့ သူငယ်ချင်းတွေတောင် အဆင်မပြေဘူးလို ့ ပြောယူရတဲ့အထိပါပဲ။ ဒါကြောင့် အခုလို ပြည်တွင်းမှာပဲ ဖြေလို ့ရတယ်ကြားရတော့ တော်တော် ဝမ်းသာပါတယ်။ ဘာပဲဖြစ်ဖြစ် အရင်ကထက် ပိုပြီး အဆင်ပြေသွားတယ် လို့ ဆိုရမှာပါပဲ။


Myanmar Inspirations News Letter July 2009
Cisco Systems မှ စစ်ဆေးပြီး အသိအမှတ်ပြုအောင်လက်မှတ် တိုက်ရိုက်ချီးမြှင့်
သည့် CCNA, CCNP, CCIE အစရှိသော စာမေးပွဲများအားလုံး ဇူလိုင်လ (၂၂)ရက်နေ့မှစတင်၍
ပြည်တွင်း၌ပင် ဖြေဆိုနိုင်ပါသည်။ ယခုလို Cisco စာမေးပွဲများ ဖြေဆိုနိုင်ခြင်း မှာ
မြန်မာနိုင်ငံအတွက် ပထမဦးဆုံးပင်ဖြစ်သည်။ ယခင်က Cisco စာမေးပွဲဖြေဆိုလိုသူများအဖို့
စင်ကာပူ၊ ဘန်ကောက်နှင့် ကွာလာလမ်ပူမြို့များသို့ သွားရောက်ဖြေဆိုနေကြရကြောင်း သိရှိရပြီး
ကုန်ကျစရိတ်ကြီးမားသည့်အတွက် မြန်မာကွန်ပျူတာပညာရှင် အများစုအတွက် CCNA, CCNP
ဆိုသည်မှာ လက်လှမ်းမမှီသော အောင်လက်မှတ်တစ်ခု အဖြစ်မှ လူတိုင်းလေ့လာဖြေဆိုရမည့်
ခေတ်မှီ Networking, Routing, Switching နည်းပညာ အဖြစ်သို့ ပြောင်းလဲလာတော့မည်ဖြစ်သည်။

မိုက်ခရု ိဆောဖ့်နည်းပညာစာမေးပွဲများနှင့်စာလျှင် စာမေးပွဲကြေးကြီးမြင့်ခြင်း၊ ပြည်ပသို့သွားရောက်
ဖြေဆိုရခြင်း၊ စနစ်တကျသင်ကြားပေးသော သင်တန်းများနည်းပါးခြင်း၊ လက်တွေ့အသုံးပြုရသည့်
Cisco Router နှင့် Switch များ ရှားပါးခြင်းတို့ကြောင့် ကွန်ပျူတာဝါသနာရှင်များ Cisco
နည်းပညာနောက် မလိုက်ကြသေးသော်လည်း ပြည်ပနိုင်ငံများသို့ သွားရောက်အလုပ်လုပ်ကိုင်မည် ့
သူများအတွက်မှာမူ အနိမ့်ဆုံး CCNA လက်မှတ်ကိုင်နိုင်အောင် ကြိုးပမ်းကြသည်။ Cisco မှ
ပေးအပ်သော beginner level CCNA မှစ၍ specialist စာမေးပွဲများနှင့် expert level CCIE အထိ
စာမေးပွဲများအားလုံး မြန်မာအင်ဖိုတက်ရှိ Myanmar Inspirations တွင် ဖြေဆိုနိုင်သည်။ CCNA
စာမေးပွဲမှာ (၂)မျိုးရှိပြီး ၆၄၀-၈၀၂ CCNA (၁)ဘာသာတည်းဖြေဆိုပြီး CCNA ဖြစ်နိုင်သကဲ့သို့ ၆၄၀-
၈၂၂ ICND1 နှင့် ၆၄၀-၈၁၆ ICND2 (၂)ဘာသာဖြေဆို၍လည်း အောင်လက်မှတ် ရနိုင်ပါသည်။
၆၄၀-၈၀၂ စာမေးပွဲအတွက် USD $ ၂၅၀ ပေးသွင်းရမည်ဖြစ်ပြီး (၂)ဘာသာခွဲဖြေဆိုလိုသူများအဖို့
ICND1 နှင့် ICND2 စာမေးပွဲများကို တစ်ဘာသာစီ USD $၁၂၅ ဖြင့် ဖြေဆိုနိုင်ကြောင်း သိရှိရသည်။
ဖြေဆိုလိုသူများအဖို့ (၃)ရက်ကြိုတင် စာရင်းသွင်း၍ မိမိတို့ ကြိုက်နှစ်သက်ရာအချိန် ရွေးချယ်
ဖြေဆိုနိုင်ပြီး စာမေးပွဲရလဒ်ကို ဖြေဆိုပြီးပြီးခြင်း သိရှ ိနိုင်မည်ဖြစ်သည်။

ညီမူရာ...

Share



စက်ကို ဖောမက်ရိုက်ပြီး ဝင်းဒိုး ပြန်တင်ရတယ် ဆိုတာ ကွန်ပျူတာ သုံးစွဲနေသူတဦး အတွက် အဆန်းမဟုတ်ပါဘူး။ အိုအက်စ် စီဒီကို စီဒီ ဒရိုက်ထဲထည့်၊ စီဒီကနေ boot လုပ်ပြီး လုပ်ငန်းစဉ်တွေ အတိုင်း ဆက်လုပ်သွားရုံပါပဲ။

ခုနောက်ပိုင်း ပေါ်လာတဲ့ EEE ပီစီ တို ့ လက်တလော ထွက်ထားတဲ့ Acer Timeline and Aspire One တို ့၊ နောက် HP Elite book ၂၅၃၀ပီ၊ HP mini တို ့လို ပါးပါးလှပ်လှပ် notebook ၊ net book တွေမှာ စီဒီ။ ဒီဗီဒီ drive တွေ တွဲပါမလာတော့ပါဘူး။

တခါတရံ စီဒီ။ ဒီဗီဒီ ဒရိုက် ပျက်တဲ့အခါမျိုး လန်းစ်မကောင်းတဲ့ အခါမျိုးမှာ စီဒီ ကနေ ဘု လုပ်ရမယ်ဆို အတော် အကြပ်ရိုက်ရပါတယ်။ တခါတလေ အားလုံး ကောင်းပါရဲ့နဲ့ စီဒီက ဖတ်မရတဲ့ အခါမျိုးမှာလည်း ဖော်မက်ရိုက် အိုအက်စ် အင်စတော လုပ်ရတာ အဆင်မပြေပါဘူး။

အဲ့လို အခက်အခဲတွေနဲ့ အထက်က Optical Drive မပါတဲ့ စက်တွေ အိုအက်စ် Install လုပ်ဖို့ရာ အဆင်ပြေချောမွေ ့စေဖို့ ယူအက်စ်ဘီကနေ ဝင်းဒိုးစ် အိပ်စ်ပီ ကို ဖောမက်ချ အိုအက်စ် အသစ် တင်ဖို ့ နည်းလမ်းတွေ ပေါ်ထွက်လာပါတယ်။

ဘာ့ပါပီအီး ထွက်လာပြီးနောက်ပိုင်း အဲသလို နည်းလမ်းတွေ အတော်ကို ကျယ်ပြန့် များပြားလာပါတယ်။ ထုံးစံအတိုင်းပဲ အင်တာနက်မှာ နည်းလမ်းပေါင်းစုံ ရှိတဲ့အထဲက ညီမူရာ ကြိုက်တဲ့ နည်းကိုပဲ ရေးသွားမှာဖြစ်ပါတယ်။

ယူအက်စ်ဘီ drive/stick ကို ဝင်းဒိုးအိပ်စ်ပီ Windows XP bootable installer လုပ်ဖို ့ရာ အတွက်

၁ ဂစ် ပမာဏ အနည်းဆုံး သိုမှီးနိုင်တဲ့ ယူအက်စ်ဘီ တခု လိုပါမယ်။
ကိုယ်သုံးနေတဲ့ ဝင်းဒိုးအိပ်စ်ပီ bootable CD ကောင်းကောင်း လိုပါမယ်။
ယူအက်စ်ဘီ ကို bootable လုပ်ပေးမယ် ့ ဆောဝဲလ် လိုပါမယ်။

flash drive prep.rar ဖိုင်ကို ဒေါင်းလုပ် လုပ်ပြီး လွယ်ကူတဲ့ တနေရာမှာ ဇစ်ဖြေထားရပါမယ်။
အဲ့ဒီ ဖိုင်ထဲမှာ ဖိုဒါ ၂ခု ရှိပြီး ပထမဆုံး usb_prep8 ဖိုဒါထဲကို ဝင်ပြီး usb_prep8.cmd ဖိုင်ကို run ရပါမယ်။

ဒီလိုမျိုး ကွန်းမန်းလိုင်း ဝင်းဒိုး တခုထက်လာမှာ ဖြစ်ပြီး ဘယ်လိုအခြေအနေမျိုးမှာ ဖြစ်ဖြစ် ဒီ ဝင်းဒိုးကို မပိတ်မိစေဖို ့ပါပဲ။ နောက်ဆုံးကျမှ ပိတ်ရမှာ။
press any key to continue ဆိုတော့ ကြိုက်တဲ့ ကီးတခု သာနှိပ်ပေးလိုက်ပါ PeToUSB ဆိုတဲ့ ဝင်းဒိုး တက်လာပါလိမ့်မယ်။

အဲ့ဒီ ဝင်းဒိုးက ယူအက်စ်ဘီကို boot နိုင်အောင် ဖောမက် ရိုက်ပေးပါလိမ့်မယ်။ Start ဆိုတာကို နှိပ်ပြီး ဖောမက်ရိုက်တာကို စောင့်လိုက်ပါ၊ ဖောမက်ရိုက်လို ့ ပြီးစီး အောင်မြင်ကြောင်း လာပြပါလိမ့်မယ်။ သထိထားရမှာက ဒီ PeToUSB ကိုလည်း သွားမပိတ်လိုက်ပါနဲ့ဦး။

အဲ့ဒီ အချိန်မှာ ကွန်မန်းလိုင်းကနေပြီး ဖိုင်ဒေါင်းလုပ်ချ ဇစ်ဖြေထားတဲ့ ဖိုဒါထဲရောက်အောင် သွားရပါမယ်။ အဲ့ဒီ ထဲကမှ bootsect ဆိုတဲ့ ဖိုဒါထဲ ထပ်ဝင်ပါ ပြီးရင် ဟော့ဒီ ကွန်မန်းကို ရိုက်ပေးရပါမယ်။

bootsect.exe /nt52 G:

ကိုယ့် ယူအက်ဘီ drive letter ကတော့ ကိုယ့်စက်မှာပေါ်တဲ့ အတိုင်းရိုက်ရမှာပါ။ စာရေးသူ စက်မှာကတော့ G: လို ့ပေါ်လို ့ G: လို ့ရိုက်လိုက်တာပါ။

Successfully updated FAT filesystem bootcode ဆိုတာ ပေါ်လာတာနဲ့ အဲ့ဒီ နောက်ဖွင့်ထားတဲ့ ကွန်မန်းဝင်းဒိုး ကို ပိတ်လို ့ရပါပြီ။

တဆက်တည်း PeToUSB ဝင်းဒိုး ကို ပိတ်ပေးရပါမယ်။ ပိတ်လိုက်တာနဲ့ ပထမဆုံး ဖွင့်ထားတဲ့ ကွန်းမန်းလိုင်းမှာ အောက်ကလိုမျိုး ၈ မျိုးပါတဲ့ စာသားတွေ ပြောင်းသွားမှာပါ။

အဲဒီမှာ နံပါတ် ၁ ကနေ စရမှာပါ။ ၁ ကို ရိုက်လိုက်တာနဲ့ ခဏအကြာမှာ Browse For Folder popup ဝင်းဒိုးလေး တက်လာမှာပါ။ ပြီးရင် ကိုယ့်ရဲ့ winXP Boot CD ထည့်ထားတဲ့ စီဒီ drive(ဒါမှမဟုတ် Virtual CD Drive) ကို ရွေး ပေးရပါမယ်။ စာရေးသူ ရဲ့ စက်မှာကတော့ စီဒီ ထဲ့ထားတာ F ဒရိုက်ဖြစ်လို ့ F ကို ရွေးလိုက်ပါတယ်။ (Virtual CD Drive ပါ)

နံပါတ် ၂ က သူပေးတဲ့ အတိုင်းထားရင်ရပါတယ်။

ပြီးရင် နံပါတ် ၃ အဆင့် အဖြစ် ၃ ဂဏန်း ကို ရိုက်ပေးပြီး ကိုယ့် ယူအက်စ်ဘီ drive letter ရွေးရပါမယ်။ စာရေးသူ ရဲ့ ယူအက်စ်ဘီ drive letter က G ဖြစ်တာမို ့ G လို ့ ရိုက်ပေးလိုက်ပါတယ်။
အားလုံး အဆင်သင့် ဖြစ်ရင် လုပ်ဆောင်ချက်တွေ စဖို ့ နံပါတ် ၄ ဂဏန်းကို ရိုက်ပေးလိုက်ရုံပါပဲ။ နောက် တက်လာမယ့် မေးခွန်းတွေ အတွက် popup ဝင်းဒိုးတွေ တက်လာရင် ကြည့်ပြီး နှိပ်ရုံပဲ ကျန်ပါတယ်။

ပထမဆုံး မေးခွန်း အဖြစ် Temp Drive ကို ဖောမက်ချမလားလို ့မေးပါလိမ့်မယ် YES ဖြေလိုက်ရုံပါပဲ။
စီဒီ ဒရိုက်ထဲက ဖိုင်တွေကို Temp drive ထဲ ကူးချသွားပါလိမ့်မယ်။ ဒီတကြိမ်ပဲ စီဒီကို သုံးတာပါ။ ပြီးရင် ဆက်လုပ်ဖို ့ ကီးတခုခုကို နှိပ်ခိုင်းပါလိမ့်မယ်။ နှိပ်ပေးလိုက်ပါဦး။

ခဏအကြာမှာ Temp drive ထဲက ဖိုင်တွေကို ယူအက်စ်ဘီ ထဲ ကူးမလားလို ့မေးပါလိမ့်ဦးမယ်။

YES ပဲ ဖြေရုံပဲပေါ့။ ဖိုင်တွေ ကူးတာ နဲနဲကြာပါတယ်။ ကိုယ့်စက်ရဲ့ အမြန်နှုန်းနဲ့ လည်း ဆိုင်ပါလိမ့်မယ်။


အားလုံး ကူးပြီးသွားတဲ့ အချိန်မှာ ကိုယ့်ရဲ့ ယူအက်စ်ဘီ drive ကို bootable drive အဖြစ် လုပ်မလား လို ့မေးပါလိမ့်မယ်။ YES ဖြေရုံပါပဲ။

နောက်ဆုံး မေးခွန်းအဖြစ် Temp Drive ကို ပြန်ဖြုတ်ချမလားလို ့ မေးပါလိမ့်ဦးမယ်။ ကိုယ်သုံးဖို ့မလို ရင် ဖြုတ်ခိုင်းတာ ကောင်းပါတယ်။ YES ပဲပေါ့။

နောက်ဆုံးတကာ့ နောက်ဆုံး အဖြစ် အားလုံး ပြီးစီးပါပြီ ကြိုက်ရာကီး နှိပ်နိုင်ပြီး ပိတ်ပါလို ့ ပြောပါလိမ့်မယ်။

ကြိုက်ရာ ကီးတခုခု ကို နှိပ်ပေးလိုက်ရင်ဖြင့် ယူအက်စ်ဘီ drive ကို Windows XP Bootable Installer USB အဖြစ် လုပ်ဆောင်ခြင်းအမှု အောင်မြင်စွာ ပြီးစီးသွားပါပြီ။

ဖောမက် ရိုက်ချင်တဲ့ စက်မှာ ယူအက်စ်ဘီ drive ကိုတပ်၊ Bios setting မှာ ယူအက်စ်ဘီ ကနေ boot မယ်လို ့ ရွေးပေးရပါမယ်။

ယူအက်စ်ဘီ ကနေ boot လိုက်တဲ့အခါ boot loader screen မှာ ပထမအကြိမ် အဖြစ် TXT Mode ကို ရွေးပေးရပါမယ်။ ပြီးရင် စီဒီကနေ boot တဲ့ ပုံမှန် အတိုင်း ဆက်လုပ်သွားရုံပါပဲ။

အခုဆိုရင် ၁ ဂစ် ယူအက်စ်ဘီ တချောင်းမှ ၈ ဒေါ်လာ ၉ ဒေါ်လာ လောက်ပဲ ရှိတဲ့အချိိန်မှာ ယူအက်စ်ဘီ တချောင်းလောက်ကို တခါထဲ winXP Bootable လုပ်ပြီး နေရာတကာ သယ်သွားလို ့ရနေပါပြီ။ အဲ့ဒီထဲက ကျန်တဲ့ နေရာမှာလည်း အခြားဒေတာတွေ ထည့်ထားလို ့ရပါသေးတယ်။ ဒါမှမဟုတ် ပြန်ဖော်မက် ရိုက်ပြီး ပုံမှန် ယူအက်စ်ဘီ ဒရိုက်အဖြစ်လည်း ပြန်သုံးနိုင်သေးတာမို ့ စမ်းချင်တဲ့ သူတွေ စမ်းနိုင်အောင်၊ လိုအပ်သူတွေ အသုံးချနိုင်အောင်၊ မသိသေးသူတွေ သိပြီး အကျိုးရှိအောင် ကြိုးစားရေးရင်း နဲ့ ယူအက်စ်ဘီ ပေါ်က ဝင်းဒိုး အိပ်စ်ပီ ကို အဆုံးသတ်လိုက်ပါတယ်။

ညီမူရာ

Credit goes to : eeeguide , liliputing

Special Thanks to all of my Teachers and Ex-Colleagues
(Ko MO, Ko TL, Ko PM, Ko ZTM, Ko AWN, Ko ZMH, Ko AKS, Ko YN and SNDP)
...

Share

CBox

My CBox has been hijacked by some spammer. So, CBox has been removed. Sorry for inconvenience causes.